أخبار أدبية

اليوم سمعت مسرحية اسمها مجانين العصر

اليوم سمعت مسرحية اسمها مجانين العصر

100 مشاهدة

اليوم سمعت مسرحية اسمها مجانين العصر 

الروائية : #نور _قزاز

ملخصها وحدة راحت عند دكتور نفسي عمتشكي زوجها اللي  عميتخيل دايما امور ما صارت وكأنها حقيقة مثلا بيتخيل انو جاب مأكولات بحرية وبيطلب منها تطبخهم و بتسايره وبيقعد بياكلهم

المهم الدكتور بيسأل عن سلوكيات المريض اذا بيكذب او بينافق او بيخدع او بيرتشي او بيمارس اي اذى للغير المهم الجواب كان لا كان عايش استقامة تامة

 بالاخير الدكتور بيشخص حالته  انو الزوج انسان مرهف الحس زيادة وما عميعرف يعيش بالواقع وسط النفاق والكذب و الخداع و الخيانة جشع وأعصابه عمتتوتر بهالجو فاختار يعيش بالخيال بس لسى كان ببدايات الحالة  بياخده و بيورجيه مجانين خالصين واحد كان خايف من قنبلة ذرية

وواحد كان طاقق عقله من غلاء وارتفاع الاسعار والعجز واحد خايف من الموت

وقال له بانو هدول جميعهم كانوا مستقيمين زيادة و عندهم احساس رهيب وضمير حي بمجتمع مش مثالي فطلب منه حرصا على عقله انو يخرج عن مثاليته و يخفف احساس و يقتل ضميره شوي حتى ما يجن .. طبعا الزوج  رفض وفضل الجنون ....

منفهم من هالمسرحية انو براي الدكتور كل شي حدا متأقلم بهالحياة معناها اما شبه مجنون وعايش بالخيال او منافق وكذاب و خائن ومخادع ؟!