خواطر

خاطرة العيد

خاطرة العيد

107 مشاهدة

خاطرة العيد ...

فراشة المسرح #أسماء _مصطفى

#حلم ...#ليلة ...#عيد 🥰🙏🌸

بحلم وبنحلم ... بعيد ... أضوي فيه شموع ...ا حملها من عمان .. من بيتي الي خلف  السفارة الفلسطينية ... وبوصلتي اعرفها ... حلمي اعبر معبر جسر الملك حسين في الشونه الجنوبيه في الغور .. وأمر عالمعبر ... ومعي جواز السفر الاردني ... وأمر بالهوية ... بدون تصريح دخول من السلطه لأنه بالأصل لازم المحتل يسمحلك بالعبور ... حلمي ما حد يوقفني ويقلي ... خبيبي  انتي من وين ؟! ... حلمي اضوي شمعه ... لأرواح المناضلين المرابطين الكنعانيين الي ما غادروا البلاد .. من شمالها لوسطها لجنوبها ... وضلوا مرابطين ... يناضلوا في الداخل ... حلمي  اضوي شمعه في المسجد الأقصى .. وقبة الصخره ... وكنيسة القيامه ... وجامع عمر  بن الخطاب ... وأمر بحي الشيخ جراح ... الي ضو شموع العالم بضحكاتهم بروح الثوره  وصبرهم ونضالهم ... وأضوي شمعه عروح قبر جدي الشهيد المدفون ببئر السبع ...حلمي نصلي  صلاة الروح يا عشاق الارض ... رح نحلم ونسيج امانينا ... لتعانق أحلامنا .. الريح ... لتجاوبنا اننا بإنتظار النصر والسلام والأمان

حلم ... ليلة .... عيد

ملاحظة الصورتين :بعدسة اصدقاء الروح  الفنان  فؤاد عوض من الناصره

والفنان  أحمد ابو سلعوم  ابن القدس

#حي_الشيخ_جراح

#القدس_تنتفض

#غزه_تقاوم

#حلم_ليلة_عيد

#كنعانية #الاصل

#نبطية #الإنتماء

#بئر_السبع