فشة خلق مكرب ...
#الأديبة _ريما _نزيهة
#تحت مسمى من راقب الناس مات هماً..
اليوم انا وعم راقب الطلاب لفتني أمر خطير بحق!
كل طلاب سوريا طالبوا بالحجر الصحي، طيب لطالما انحجروا شهور كاملة بلا دوام معقول ما قادرين يدرسوا، نازلين ينقلوا !!!
اليوم مادة الرياضيات ولا ابسط من هيك عم اعطيا لطلابي بالاعدادية (طلاب جامعيين عجزوا عنا ونازلين ينقلوا) طلاب سنة تخرج نازل قدك قد الحيط ناطر ساعتين بالقاعة بس لتعتمد ع غيرك!!
شهور وانت بالبيت ع اكل هوا، بتدير ضهرك عليه دقيقة بتلتفت بتشوفوا عم يشاغب وينقل!
كل الدني بتقلي ريما انتي عصبية بالمراقبة... ببساطة عشر سنين ازمة تحملتا، مرض وتعب وعن جديد كورونا كمان تحملتا، بس ما بتحمل شوف البلد رايح ع الهاوية ما بس ع صعيد طلاب جامعة.. تاسع.. بكالوريا.. طلاب جامعات صار بدمن فكرة انو قادرين ننجح بالنقل!!
هاد الطالب اللي مشي حالو بالتاسع ونقل ونجح رح يطلع عالبكالوريا عندو نفس القناعة ويطلع ع الجامعة يشوف انو حقو الطبيعي ينقل غير انو بسبك وبتاكل شتائم وانو الدكتور يالطيف شو متحطط حطاه!!!
بعد الانتهاء من الامتحان رجعت مكربة!!!
لو اني كربت من طالب نازل ومجتهد كنا منقول يعني، بس انو اخدت كريب من قاعة كاملة سلمت اوراقها فاضية هاد الشي اللي ببكي
اقتراح: علينا تعديل اسم فرع الحقوق ليصبح (حقوق وواجيات)
هزلت هزلت
