كتبت الأديبة الشابة الموهبة اية طريف هذا المونولوج ...
هذا العام كان بالنسبة إلي متل مرت الأب الحنونة
هي بتقسى أوقات بس ما بقدر ما إعترف بحنيتا كمان لما حققتلي كتير أحلام و رزقتني كتير أشخاص♥
تغيرات، قصص حلوة، و نجاحات:
25-2-2019
أول مرة كيمو بناديلي "يايا"♥
*
10-4-2019
يوم كلو توتر أول عملية إلي "إزالة قرينات" من نتائجها إنو إنفي صغر شوي 😂♥
*
12-5-2019
فاجئوني رفقاتي بعيد ميلادي عأساس
14-5-2019
احتفلوا أهلي بعيد ميلادي ككل سنة و لكن الأحلى من كل سنة إنو الكيك كان مكتوب عليه سنجوبة.♥
*
21-5-2019
شرفت هيا عهالدنيا♥
*
24- 8-2019
لقيت رفيقة غالية عقلبي و تحول تواجدها الخيالي إلى تواجد واقعي "فرح".♥
*
1.9-2- 19
أول يوم بمدرستي الجديدة و مع تتالي الأيام صار عندي أشخاص أغلى من الأخوة "غير محيطك".♥
*
23-9- 2019
مشاركتي بمسرحية "زغاريد وطن" على خشبة مدرج الباسل في كلية الطب البشري
_و_
مشاركتي بأمسية في مقهى رواء بنص عنوانه "ربا المشاعر"
"يوم الإنجازات العالمي"
*
18-11-2019
مشاركتي بأمسية "ضياء الحروف" في المركز الثقافي بحماة، بنص عنوانه "إكتفاء"♥
*
صرت حافظة خمس أجزاء من القرآن الكريم♥
*
قرأت أكتر من 30 كتاب♥
*
شاركت بنص عنوانه "سارقة الحكايا" في كتاب "كلمات يكتبها الخريف"♥
*
سافرت على حمص ونمت فيها ليلة♥
*
شاركت..
مع فريق "سيروبوك" بنشاط تطوعي: زيارة ملجأ الأيتام التابع لمدرسة كريم رضا سعيد.
و مع فريق "حكاية شغف" بنشاط تطوعي: زيارة لدار العجزة
♥
*
انضميت لرسل سيروبوك و منتدى الشباب الأدبي♥
*
حطيت التقويم و على أثره نحفت كتير
"10 عصافير بحجر واحد" 😂♥
*
عام المشاوير في البداية كان♥
*
بكل مكان اتواجد في كنت سبب بسمة، طول هالعام ما زعلت حدا و أنا سعيدة جا بهالشي♥
*
شفت شهب كتير و تمنيت كتير♥
*
كسبت أصدقاء كتير سواء في مجالي الأدب و المسرح أو في المدرسة، أول الكترونيا صار عندي أشخاص جداد.. ماميات و أخوات و أب و كتير كراشات 😂
*
هالعام راضاني و عطاني كلشي بدي كلشي يعني كلشي و الله و كرمال هيك وقفت عن السعي لأحلامي من أجل حلم البكالوريا يللي ما رح احكي عن تفاصيلو هلأ
السنة و نص الجايين رح يكونو توقف عن كتير قصص و ما رح يكونو مميزات متل هالعام بس بعدين رح ارجع أدخل بأحلامي وقتا بكون كبرت _ بغض النظر عن حجمي _ و بصير مناسبة إلها أكتر رح إرجع بقوة♥
