قصة ام نايف ترويها لكم الأستاذة مي اسماعيل بصو

 

‏‎Mai_ Ismail_ Bsso#‎‏

#انا ام نايف يلي صبرت على ابو نايف 20 سنة

أنا كنت احلب البقرات وطعمي الغنمات

وشيل البيض من تحت الجاجات. ..

واخبز الخبزات واحصد الزرعات ...

وكنت كون بالسهرة ست الستات ...

بس ابو نايف نكر الملحات والجبنات ...

وصاحب شلة عاطلة وكل يوم على شدة وسهرات ...

واحد صاحبو كان اسمو على ما اظن عصمو اللتات ...

عملو صفحة عالفيس للزلمة وبلش ادد للبنات ...

وسما حالو عالفيس (ابو الحب خود وهات ❤)

لاعاد اهتم فيني ولا ع ولادو ولا عالبنات ..

ابو نايف ماعاد يتهدا كب الكلابيات والكلاشات ...

واشترى بواط وتيشرتات ...

وكمان قرط حاجبو وركب حلق وشرشط الجينزات ...

صار حكاية بكل المدن والحارات ...

طبق وحدة المانية وقالتلو تريك ام نايف وانا بعطيك كل الجنسيات ...

الندل الواطي تركني ... ولم تيابو وراح ع الهجرة والجوازت ...

صار بتركيا و بعدين عالازمير وغرق بالمي ومات ...

الله عليك يا ابو نايف عليم الله شمتت فيك احلى الشمتات ...

حتى عزا ماعملتلك .. وانشالله ياكلوك الحيتان والسمكات ...

بعت البيت و الخواريف والبقر والمعزات ...

وشتريت جنازير دهب وطواق وحلقات ...

ودللت حالي وجبت خدم وسرلنكيات ...

وستأجرت شاليه عالبحر وفيلا بالسبع بحرات ...

خليه ابو نايف عبرة لكل واحد عما يفكر يعمل هالحركات ...

يسعد مساءكم . . .