خاطرة كتبتها الأديبة ايغار كنيفاتي
#عن الكلام الي بيموت من قبل ما ينقال ..
عن العتب الي بتفكر فيه كتير و بعدين بتتراجع عنو وقت تحس انو ما عاد الو لزوم ..
عن البكى الي بتخبيه و بتحبسو بعيونك مشان ما حدا يحس ..
عن القلق الي كل يوم بينمو و بيكبر و أنت عم تحاول ترسم البسمة و الأمل بعيونك ..
عن الروح الي بلشت تدبل لأنك شخص قوي، قوي كتير بنظر الناس ..
عن كل الأشيا الي بنكتبا و بنكتبا و بنقول لشو كل هل الحكي !!
عن الحب الي كلنّا عم نبحث عنو بأدق التفاصيل لحتى نطلع من حالة الفوضى ..
من كل هدول و شوي شوي في كتير حياة عم نعيشها بطريقة يمكن بحياتنا ما توقعناها و بحياتنا ما فكرنا فيها !!
#الأديبة _ايغار _كنيفاتي